Wednesday, November 25, 2020
Home Gujarati Sahitya Poems તલપ લાગી : ગુજરાતી ગઝલ સંગ્રહ - ધર્મેશ ઉનાગર

તલપ લાગી : ગુજરાતી ગઝલ સંગ્રહ – ધર્મેશ ઉનાગર

રંગ ગુજરાતી સાહિત્ય વિભાગ છે ધર્મેશ ઉનાગર કૃત ગુજરાતી ગઝલ સંગ્રહ. આ તમામ ગઝલો “તલપ લાગી” અંતર્ગત પ્રકાશિત કરવામાં આવેલ છે.

રચના – 1 (ગુજરાતી ગઝલ)

નિરંતર હોશ કે બેહોશમાં તારી તલપ લાગી.
થયો મદહોશ તો મદહોશમાં તારી તલપ લાગી.

તલપ લાગી મને જુદા પડ્યાની એક ઘટનામાં
અધૂરી ને ઊણી આગોશમાં તારી તલપ લાગી.

ચડે જો રીસ તારે તોય તેમાંથી ખરે ફૂલો
મને રળિયામણા એ રોષમાં તારી તલપ લાગી.

પ્રસરતી જાય તેથી શ્વાસમાં ને રક્તમાં ખુશ્બુ
મને ફૂલો અને ફિરદોસમાં તારી તલપ લાગી.

મને લાગી તલપ તારી જ સાતે સાત દરિયામાં
મને એવી જ ટીપા ઓસમાં તારી તલપ લાગી.

ગુજરાતી કાવ્ય: “અવની” નું કાવ્ય : જૂનાગઢ – ખુબ જ સુંદર રચના

રચના – 2 (ગુજરાતી ગઝલ)

સતત આ ચાલતી ધમસાણમાં તારી તલપ લાગી.
મને વીંધી ગયેલા બાણમાં તારી તલપ લાગી.

વહ્યા લોહી તો લોહીજાણમાં તારી તલપ લાગી.
મળ્યું પરિત્રાણ તો પરિત્રાણમાં તારી તલપ લાગી.

જતો હું જેમ ઊંડે એમ તેજોમય થતો જાતો
અલૌકિક એ અમીરી ખાણમાં તારી તલપ લાગી.

મને અંદરથી ખેંચીને કશે લઈ જાય છે કોઈ
અગોચર એ અગમ ખેંચાણમાં તારી તલપ લાગી.

હવે તો રક્ત પણ બોલી રહ્યું છે નામ બસ તારું
રગેરગનાં બધા પોલાણમાં તારી તલપ લાગી.

વાંચો: ગુજરાતી નવલકથા – બોજ કુમળા ફૂલનો : દિલીપ ઘાસવાળા

રચના – 3 (ગુજરાતી ગઝલ)

મને દિવસ અને આ રાતમાં તારી તલપ લાગી.
સુગંધીદાર શ્વાસોશ્વાસમાં તારી તલપ લાગી.

ગુરુજી તું જ છો ને તું જ છો મારી પરમ વિદ્યા
જીવનના રોજરોજે તાસમાં તારી તલપ લાગી.

નજર સામેથી નીકળી જાય છે કૈ કેટલા અવસર
રહીને શાંત ઝંઝાવાતમાં તારી તલપ લાગી.

હવે હું તળ અતળ પાતાળથી ઊંડે જતો રહ્યો.
સમાધિ શી સ્વયંની જાતમાં તારી તલપ લાગી.

હકીકત એ હદે તું વ્યાપ્ત છો મારી રગેરગમાં
પ્રગટ હો એમ ભ્રમણાભાસમાં તારી તલપ લાગી.


// રચયિતા – ધર્મેશ ઉનાગર //


1 COMMENT

  1. વાહ..કવિ મિત્ર ધર્મેશ ઉનાગર … સરસ ગઝલો નો સુંદર ગઝલ સંગ્રહ….

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

Most Popular

મહારાષ્ટ્રમાં થયો ગંભીર અકસ્માત – રાયગઢ જિલ્લામાં 5 માળ ની ઇમારત પડતા આશરે 200 લોકો ના દટાયા હોવાની શંકા.

મહારાષ્ટ્રમાં રાયગઢના મહાડમાં સોમવારે એક ભયાનક અકસ્માત થયો હતો. મહાડમાં (Maharashtra's Mahad) એક 5 માળની ઇમારત ધરાશાયી થઈ ગઈ છે એવું જાણવામાં...

એક ભારતીય જેની રચનાઓ છે બે – બે દેશો ના રાષ્ટ્રગીત. જાણો આ મહાન વ્યક્તિ ની વાત.

ગુરુદેવ રવીન્દ્રનાથ ટાગોર, આ તે નામ છે જે આજે વિશ્વ કવિ, સાહિત્યકાર, દાર્શનિક અને ભારતીય સાહિત્યના નોબેલ વિજેતા તરીકે પ્રખ્યાત છે. તેઓને...

मध्यप्रदेश के मुख्यमंत्री शिवराज सिंह चौहान का कोरोना पॉज़िटिव | Madhya Pradesh CM Shivraj Singh Chauhan Corona Positive

मध्य प्रदेश के मुख्यमंत्री शिवराज सिंह चौहान (Madhyapradesh CM Shivraj Sinh Chauhan) ने शनिवार को कहा कि उन्होंने कोरोनोवायरस बीमारी (कोविड 19)...

खबर भाजपा के गुजरात अध्यक्ष सी.आर.पाटिल की विशाल कार रैली की | C. R. Patil Car Rally in Surat – Hindi News

भाजपा के प्रदेश अध्यक्ष बनने के बाद, सीआर पाटिल (C.R. Patil) सूरत आएहवाई अड्डे पर एक चर्चा के बाद, पाटिल ने वालक...

Politics